Advertisement
Advertisement
Advertisement
Khutbah Idul Fitri Bahasa Sunda, Assalamu'alaikum Wr. Wb. Sahabat Islam di Nusantara apa kabarnya kalian semua ? saya harapkan kabar sahabat semua selalu ada dslam lindungan dan maghfiroh-Nya. Amiin
Pada kesempatan yang berbahagia kali ini saya mau membagi ilmu saya tentang Khutbah idul fitri seperti postingan saya sebelumnya, tapi pada postingan kali ini saya akan memposting khutbah idul fitri dengan bahasa asli daerah saya yaitu bahasa sunda, sekaligus melestarikan bahasa asli daerah saya sendiri. Namun dalam postingan kali ini saya tidak memakai mukodimah arab diawal,silahkan saja sahabat semua buat mukodimahnya sesuka anda asalkan memenuhi syarat dan rukunnya khutbah.
Bismillahirrohmanirrohim
Allôhu Akbar, Allôhu Akbar, Wa lillâhil hamd!
‘Aidin wa ‘Aidat rohimakumulloh!
Maha Agung Alloh sareng sagala puji éta kagungan Mantenna. Mangga urang sami-sami muji katut syukuran ka Alloh Anu Maha Ghofur, anu kalayan Idin katut Ridlo-Na, dina ieu dinten urang sadaya tiasa tepang deui sareng hiji dinten nu kacida dianti-antina, dinten nu agung tur mulya; ‘Iedul Fitri. Urang tampi ieu dinten téh ku rasa syukur ka Alloh Anu Maha Agung, ku ngadawamkeun kalimah Takbir, Tauhid jeung Tahmid, Allôhu Akbar, Allôhu Akbar, Lâilâha illallôh wa Allôhu Akbar, Allôhu Akbar wa lillâhil hamd.
Dina wanci haneut moyan ieu urang gumbira, sabab parantos tiasa ngaréngsékeun ibadah saum Romadlon salami sabulan campleng tur dipungkas ku ibadah zakat. Tapi dina dinten nu ayeuna pisan urang ogé kedah ngaraos sedih sabab urang kudu paturay papisah jeung bulan nu pepek ku rahmat katut barokah.
Mudah-mudahan Alloh nampi kana ibadah urang sadaya, saum urang, sholat, katut ibadah urang anu sanésna. Taqobbalallôhu Minnâ Waminkum Shiyâmanâ wa shiyâmakum. Sareng mudah-mudahan Alloh Swt ngalebetkeun urang sadaya kana golongan jalma anu balik kana kasucian, sareng jalma-jalma anu meunang kabagjaan.
Allôhu Akbar, Allôhu Akbar, Wa lillâhil hamd!
‘Aidin Wa ‘Aidat Rohimakumulloh!
Dina nalika urang tepang sareng poé anu agung tur mulya saperti ayeuna, hayu urang sasarengan pikeun napakuran hiji pasualan penting anu jadi pasualan nasional kiwari nyaéta pasualan jungkrang pamisah anu lungkawing dina widang sosial sareng kumaha pituduh Islam dina ngungkulan pasualan anu saperti kitu.
Jungkrang pamisah dina widang sosial, paanggangna antara nu beunghar jeung nu miskin ku urang sadaya disadari yén hal éta bisa numuwuhkeun karawanan jeung kaharénghéng sosial anu bisa jadi “Bom waktu” anu bisa ngancurkeun hasil pangwangunan nu salila ieu geus dipibanda.
Alloh dina al Quranul Karîm al Hasyr surat ka 59 ayat ka 7 maparin amanat;
Bismillahirrohmânirrohîm
كَيْ لا يَكُونَ دُولَةً بَيْنَ الأغْنِيَاءِ مِنْكُمْ
Sangkan éta (harta) téh teu kukulibekan di antara nu baleunghar ti antara maranéh. (QS. 59 : 7).
Kasadaran kana pentingna ngawalatrakeun karaharjaan tina hasil pangwangunan pikeun rahayat Indonésia sakumna ieu sabenerna mah ku pamaréntah saméméhna nyaéta Orde Baru geus ditarékahan saperti nu kaunggel dina konsep Trilogi Pangwangunan (Pemerataan, Pertumbuhan jeung Stabilitas Ékonomi) atawa dina dalapan hambalan kawalatraan. Tapi ku sabab ayana lolongkrang nu béda-béda, karep, kaparigelan, kapengkuh katut katangguhan jeung faktor-faktor séjénna, kanyataan ku ayana tingkat pakaya anu béda-béda anu teu bisa disinglarkeun. Malah dina wates-wates anu tangtu mah bisa ngayugakeun jungkrang lungkawing antara nu beunghar jeung nu miskin.
Pangwangunan éta geus mukakeun sajumlah lolongkrang pikeun masarakat sangkan maju tur mekar, pikeun jadi beunghar tur walarta. Tapi éta lolongkrang téh teu bisa dimangpaatkeun ku saban jalma. Manusa mibanda kapasitas tur kamampuh anu béda-béda. Aya nu apal tur sadar sarta bisa ngamangpaatkeun luang kasebut pikeun maju tur mekar, tapi ogé aya nu teu nyaho atawa teu sadar, teu bisa ngamangpaatkeunana. Jalma-jalma nu nyaho, sadar tur bisa ngamangpaatkeunana, nya mingkin lila téh bakal mingkin loba meunang lolongkrangna, nepika mingkin maju tur nyongcolang. Sedengkeun pikeun jalma anu teu apal tur teu bisa ngamangpaatkeun kasempetan, nya geus tangtu mingkin lila téh mingkin tingaleun, atawa bisa jadi maju tapi loba ngarandeg eureunna nepika mingkin jauh tingaleun.
Allôhu Akbar, Allôhu Akbar, Wa lillâhil hamd!
‘Aidin Wa ‘Aidat Rohimakumulloh!
Prosés ieu ku lila-lila mah bakal ngayugakeun jungkarang pamisah nu lungkawing antara nu beunghar jeung anu masakat. Kanyataan ku ayana nu beunghar jeung nu miskin éta ngarupakeun bahagian tina sunnatulloh nu hamo bisa disinglarkeun. Dina hambalan pakaya moal mungkin manusa téh ‘kudu sama rata jeung sama rasa’; sabab patojaiyah jeung fitrah ogé hakékat manusa nu mémang dina hambalan kamampuh jeung kaparigelan sarta lolongkrang pikeun ngagémbol harta pakaya, ngahontal kaunggulan jeung kajayaan éstu béda-béda. Alloh parantos nétélakeun dina An Nahl surat ka 16 ayat ka 71, sareng Saba surat ka 34 ayat 39.
Bismillahirrohmânirrohîm
وَاللَّهُ فَضَّلَ بَعْضَكُمْ عَلَى بَعْضٍ فِي الرِّزْقِ
Jeung Alloh munjulkeun rejeki sabagian maranéh batan nu sawaréhna deui. (QS. 16 : 71).
Alloh maparin anugrah rejeki ka sing saha jalma nu dikersakeun ku Mantenna, tur Alloh nyalira nu nahan rejeki atawa nyabut ti sing saha nu dikersakeun ku Mantenna. (QS. 34 : 39).
Saban muslim kedahna mah tatahar pikeun narima hiji kanyataan yén rejeki nu dipaparinkeun ku Alloh ka manusa téh éta teu sarua. Jalma jadi beunghar éta kersaning Alloh Swt, jadi miskin ogé éta teu leupas tina Qudrah katut Irodah Mantenna. Jalaran kitu, jalma nu beunghar dipahing sombong adigung gedé hulu ku harta pakayana, jeung anu miskin ogé ulah ngarasa leutik burih tur ngarasa hina alatan kamiskinanana. Jalma nu beunghar dipaparin lolongkrang anu lega pikeun milampah amal sholéh ku harta pakayana, ogé ku hartana dirina dipaparin luang nu lega pikeun milampah dosa jeung ma’siat. Jalma anu miskin meunang luang nu heureut pikeun milampah amal sholéh ku harta pakayana ogé meunang lolongkrang nu heureut ku harta bandana pikeun milampah dosa. Ku harta pakaya lawang sawarga muka kalawan lega jeung ku harta pakaya pisan lawang naraka ogé muka kalawan lebar.
Islam nétélakeun yén kamulyaan hiji jalma téh éta teu ditangtukeun ku jumlah harta bandana tapi ditangtukeun ku katakwaanana ka Alloh Swt, sapertos anu kaunggel dina al Hujurot surat ka 49 ayat ka 13.
Bismillahirrohmanirrohim.
sahabat muslim nusantara rupanya sekian postingan tentang Khutbah Idul Fitri Bahasa Sunda yang bisa saya bagi dengan sahabat semua.
Advertisement